ਅੱਜ 20 ਅਕਤੂਬਰ 2023 ਯਾਨੀ ਕਿ ਸ਼ੁੱਕਰਵਾਰ ਦਾ ਦਿਨ ਹੈ ਤੇ ਅੱਜ ਸ਼ਾਰਦੀਆ ਨਵਰਾਤਰੀ ਦਾ ਛੇਵਾਂ ਦਿਨ ਹੈ। ਅੱਜ ਅਸੀਂ ਮਾਂ ਦੁਰਗਾ ਦੇ ਛੇਵੇਂ ਰੂਪ ਮਾਂ ਕਾਤਯਾਨੀ ਦੀ ਪੂਜਾ ਕਰਦੇ ਹਾਂ। ਅੱਜ ਰਵੀ ਯੋਗ ਵਿੱਚ ਮਾਂ ਕਾਤਯਾਨੀ ਦੀ ਪੂਜਾ ਕੀਤੀ ਜਾਂਦੀ ਹੈ। ਮਾਤਾ ਕਾਤਯਾਨੀ ਦੀ ਪੂਜਾ ਦੁਸ਼ਮਣਾਂ ਉੱਤੇ ਜਿੱਤ ਅਤੇ ਡਰ ਤੋਂ ਮੁਕਤੀ ਲਈ ਕੀਤੀ ਜਾਂਦੀ ਹੈ। ਮਾਂ ਦੀ ਕਿਰਪਾ ਨਾਲ ਮਨੁੱਖ ਨੂੰ ਔਖੇ ਕੰਮਾਂ ਵਿੱਚ ਵੀ ਸਫਲਤਾ ਮਿਲਦੀ ਹੈ। ਮਾਂ ਕਾਤਯਾਨੀ ਦਾ ਨਾਮ ਕਾਤਯਾਯਨ ਰਿਸ਼ੀ ਦੇ ਨਾਮ ‘ਤੇ ਰੱਖਿਆ ਗਿਆ ਹੈ। ਕਥਾ ਦੇ ਅਨੁਸਾਰ, ਉਨ੍ਹਾਂ ਨੇ ਆਪਣੀ ਤਪੱਸਿਆ ਅਤੇ ਪੂਜਾ ਨਾਲ ਦੇਵੀ ਦੁਰਗਾ ਨੂੰ ਪ੍ਰਸੰਨ ਕੀਤਾ ਅਤੇ ਉਨ੍ਹਾਂ ਨੂੰ ਆਪਣੀ ਧੀ ਦੇ ਰੂਪ ਵਿੱਚ ਪ੍ਰਾਪਤ ਕਰਨ ਦਾ ਵਰਦਾਨ ਮੰਗਿਆ। ਫਲਸਰੂਪ ਮਾਂ ਦੁਰਗਾ ਧੀ ਦੇ ਰੂਪ ਵਿੱਚ ਉਨ੍ਹਾਂ ਦੇ ਘਰ ਪ੍ਰਗਟ ਹੋਈ, ਜਿਸ ਕਾਰਨ ਉਨ੍ਹਾਂ ਦਾ ਨਾਮ ਕਾਤਯਾਨੀ ਰੱਖਿਆ ਗਿਆ। ਮਾਂ ਨੂੰ ਯੁੱਧ ਦੀ ਦੇਵੀ ਵੀ ਕਿਹਾ ਜਾਂਦਾ ਹੈ। ਮਾਤਾ ਕਾਤਯਾਨੀ, ਚਿੱਟੇ ਫੁੱਲਾਂ ਦੀ ਮਾਲਾ ਪਹਿਨੇ ਹੋਏ ਹਨ ਤੇ ਉਨ੍ਹਾਂ ਦੀਆਂ ਬਾਹਾਂ ਵਿੱਚ ਇੱਕ ਤਲਵਾਰ ਅਤੇ ਇੱਕ ਕਮਲ ਫੜੀ ਹੋਈ ਹੈ। ਉਨ੍ਹਾਂ ਦੀਆਂ ਦੋਵੇਂ ਬਾਹਾਂ ਵਰਦਮੁਦਰਾ ਵਿੱਚ ਹਨ। ਅੱਜ ਦੇ ਦਿਨ ਪੂਜਾ ਦਾ ਸ਼ੁੱਭ ਸਮਾਂ: ਪੰਚਾਂਗ ਦੇ ਅਨੁਸਾਰ, ਇਸ ਸਾਲ ਅਸ਼ਵਿਨ ਮਹੀਨੇ ਦੇ ਸ਼ੁਕਲ ਦੀ ਸ਼ਸ਼ਠੀ ਤਿਥੀ ਯਾਨੀ ਕਿ ਅੱਜ 20 ਅਕਤੂਬਰ ਨੂੰ ਸਵੇਰੇ 01:31 ਵਜੇ ਤੋਂ ਸ਼ੁਰੂ ਹੋ ਗਈ ਹੈ ਅਤੇ ਇਹ ਅੱਜ ਰਾਤ 11:24 ਵਜੇ ਤੱਕ ਹੈ। ਉਦੈਤਿਥੀ ਦੇ ਆਧਾਰ ‘ਤੇ ਅੱਜ ਨਵਰਾਤਰੀ ਦੀ ਛੇਵੀਂ ਤਰੀਕ ਹੈ। ਅਜਿਹੀ ਸਥਿਤੀ ‘ਚ ਤੁਸੀਂ ਸੂਰਜ ਚੜ੍ਹਨ ਤੋਂ ਬਾਅਦ ਮਾਂ ਕਾਤਯਾਨੀ ਦੀ ਪੂਜਾ ਕਰ ਸਕਦੇ ਹੋ। ਹਾਲਾਂਕਿ, ਸੰਧਿਆ ਵੇਲੇ ਉਨ੍ਹਾਂ ਦੀ ਪੂਜਾ ਕਰਨਾ ਬਿਹਤਰ ਹੈ। ਅੱਜ ਰਵੀ ਯੋਗ ਸਵੇਰੇ 06:25 ਤੋਂ ਸ਼ੁਰੂ ਹੋਵੇਗਾ, ਜੋ ਰਾਤ 08:41 ਤੱਕ ਚੱਲੇਗਾ। ਅਜਿਹੀ ਸਥਿਤੀ ਵਿੱਚ ਰਵੀ ਯੋਗ ਵਿੱਚ ਮਾਂ ਕਾਤਯਾਨੀ ਦੀ ਪੂਜਾ ਕੀਤੀ ਜਾਵੇਗੀ। ਅੱਜ ਦਾ ਸ਼ੁਭ ਮਹੂਰਤ ਸਵੇਰੇ 11:43 ਤੋਂ ਦੁਪਹਿਰ 12:28 ਤੱਕ ਹੈ। ਇਹ ਅਭਿਜੀਤ ਮੁਹੂਰਤ ਹੈ। ਮਾਂ ਕਾਤਯਾਨੀ ਨੂੰ ਲਾਲ ਫੁੱਲ ਬਹੁਤ ਪਸੰਦ ਹਨ। ਪੂਜਾ ਦੇ ਸਮੇਂ, ਤੁਸੀਂ ਮਾਂ ਕਾਤਯਾਨੀ ਨੂੰ ਲਾਲ ਹਿਬਿਸਕਸ ਜਾਂ ਲਾਲ ਗੁਲਾਬ ਚੜ੍ਹਾ ਸਕਦੇ ਹੋ। ਮਾਤਾ ਰਾਨੀ ਨੂੰ ਸ਼ਹਿਦ ਵੀ ਬਹੁਤ ਪਸੰਦ ਹੈ, ਪੂਜਾ ਦੇ ਸਮੇਂ ਮਾਂ ਨੂੰ ਸ਼ਹਿਦ ਚੜ੍ਹਾਉਣਾ ਵੀ ਸ਼ੁੱਭ ਹੋਵੇਗਾ।
