ਦੇਸ਼ ਵਿੱਚ ਹਾਰਟ ਅਟੈਕ ਦੇ ਮਾਮਲੇ ਲਗਾਤਾਰ ਵੱਧ ਰਹੇ ਹਨ। ਇਸ ਤਰ੍ਹਾਂ ਦੀਆਂ ਕਈ ਵੀਡੀਓਜ਼ ਹਨ, ਜਿਨ੍ਹਾਂ ‘ਚ ਬਿਲਕੁਲ ਠੀਕ ਦਿਖਾਈ ਦੇਣ ਵਾਲੇ ਵਿਅਕਤੀ ਨੂੰ ਅਚਾਨਕ ਦਿਲ ਦਾ ਦੌਰਾ ਪੈ ਜਾਂਦਾ ਹੈ। ਲੋਕਾਂ ਨੂੰ ਇਹ ਅਹਿਸਾਸ ਨਹੀਂ ਹੁੰਦਾ ਕਿ ਦਿਲ ਕਮਜ਼ੋਰ ਹੁੰਦਾ ਜਾ ਰਿਹਾ ਹੈ। ਅਜਿਹੇ ‘ਚ ਦਿਲ ਨੂੰ ਸਿਹਤਮੰਦ ਰੱਖਣ ਲਈ ਹੁਣ ਇਕ ਖਾਸ ਚਾਹ ਦੀ ਖੋਜ ਕੀਤੀ ਗਈ ਹੈ। ਝਾਂਸੀ ਸਥਿਤ ਕੇਂਦਰੀ ਆਯੁਰਵੇਦ ਖੋਜ ਸੰਸਥਾਨ ਦੇ ਵਿਗਿਆਨੀਆਂ ਨੇ ਅਜਿਹੀ ਚਾਹ ਦੀ ਖੋਜ ਕੀਤੀ ਹੈ ਜੋ ਦਿਲ ਦੇ ਰੋਗੀਆਂ ਨੂੰ ਪੂਰੀ ਤਰ੍ਹਾਂ ਠੀਕ ਕਰ ਦੇਵੇਗੀ। ਆਯੁਰਵੇਦ ਖੋਜ ਸੰਸਥਾ ਵੱਲੋਂ ਕਾਰਡੀਆਕ ਕੇਅਰ ਟੀ ਤਿਆਰ ਕੀਤੀ ਗਈ ਹੈ। ਏਮਜ਼ ਨੇ ਵੀ ਇਸ ਚਾਹ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਇਸ ਵਿਸ਼ੇਸ਼ ਚਾਹ ਵਿੱਚ ਅਰਜੁਨ ਦੀ ਸੱਕ, ਦਾਲਚੀਨੀ, ਕੇਸਰ, ਇਲਾਇਚੀ ਅਤੇ ਚਾਹ ਪੱਤੀਆਂ ਦੇ ਕੁਝ ਹਿੱਸਿਆਂ ਦੀ ਵਰਤੋਂ ਕੀਤੀ ਗਈ ਹੈ। ਕੇਂਦਰੀ ਆਯੁਰਵੇਦ ਖੋਜ ਪ੍ਰੀਸ਼ਦ ਨੇ ਇਸ ਚਾਹ ਦਾ ਪੇਟੈਂਟ ਕੀਤਾ ਹੈ। ਇਸ ਚਾਹ ਨੂੰ ਦੇਸ਼ ਦੇ ਕਈ ਸ਼ਹਿਰਾਂ ‘ਚ ਲੋਕਾਂ ‘ਤੇ ਟੈਸਟ ਕੀਤਾ ਗਿਆ। ਹਰ ਪਾਸੇ ਚੰਗੇ ਨਤੀਜੇ ਸਾਹਮਣੇ ਆਏ ਹਨ। ਸਰਦੀਆਂ ਦਾ ਮੌਸਮ ਦਿਲ ਦੇ ਰੋਗੀਆਂ ਲਈ ਬਹੁਤ ਖਤਰਨਾਕ ਦੱਸਿਆ ਜਾਂਦਾ ਹੈ। ਇਸ ਚਾਹ ਨੂੰ ਲੇਹ ਦੇ ਕੁਝ ਲੋਕਾਂ ‘ਤੇ ਵੀ ਪਰਖਿਆ ਗਿਆ। ਹਰ ਕੋਈ ਬਿਲਕੁਲ ਤੰਦਰੁਸਤ ਰਿਹਾ। ਕੇਂਦਰੀ ਆਯੁਰਵੇਦ ਖੋਜ ਸੰਸਥਾਨ ਦੇ ਡਾਇਰੈਕਟਰ ਡਾ.ਸੀ ਵੈਂਕਟ ਨਰਸਿਮਹਾਜੀ ਨੇ ਦੱਸਿਆ ਕਿ ਇਹ ਚਾਹ ਦਿਲ ਦੇ ਰੋਗੀਆਂ ਨੂੰ ਤੰਦਰੁਸਤ ਰੱਖਣ ਲਈ ਤਿਆਰ ਕੀਤੀ ਗਈ ਹੈ। ਜਲਦੀ ਹੀ ਇਸ ਨੂੰ ਬਾਜ਼ਾਰ ‘ਚ ਵੀ ਉਪਲੱਬਧ ਕਰਾਇਆ ਜਾਵੇਗਾ। ਕੋਈ ਵੀ ਵਿਅਕਤੀ ਇਸ ਚਾਹ ਨੂੰ ਦਿਨ ‘ਚ ਦੋ ਤੋਂ ਤਿੰਨ ਵਾਰ ਪੀ ਸਕਦਾ ਹੈ।