ਭਾਰਤੀ ਰੇਲ ਰਾਹੀਂ ਯਾਤਰਾ ਕਰਨ ਵਾਲੇ ਯਾਤਰੀਆਂ ਲਈ ਵੱਡੀ ਖੁਸ਼ਖਬਰੀ ਹੈ ਕਿਉਂਕਿ ਭਾਰਤੀ ਰੇਲਵੇ ਨੇ ਆਪਣੇ AC ਕੋਚਾਂ ਦੇ ਕਿਰਾਏ ਵਿੱਚ ਕਟੌਤੀ ਦਾ ਐਲਾਨ ਕੀਤਾ ਹੈ। ਰੇਲਵੇ ਨੇ ਇਹ ਵੀ ਯਕੀਨੀ ਬਣਾਇਆ ਹੈ ਕਿ ਏਸੀ ਕੋਚਾਂ ਵਿੱਚ ਸਫ਼ਰ ਕਰਨ ਵਾਲੇ ਸਾਰੇ ਯਾਤਰੀਆਂ ਲਈ ਬੈੱਡ ਸ਼ੀਟਾਂ ਅਤੇ ਸਿਰਹਾਣੇ ਉਪਲਬਧ ਹੋਣਗੇ। ਇਸ ਕਦਮ ਨਾਲ ਉਨ੍ਹਾਂ ਕਰੋੜਾਂ ਯਾਤਰੀਆਂ ਨੂੰ ਲਾਭ ਹੋਣ ਦੀ ਉਮੀਦ ਹੈ ਜੋ ਆਪਣੀਆਂ ਯਾਤਰਾ ਦੀਆਂ ਜ਼ਰੂਰਤਾਂ ਲਈ ਭਾਰਤੀ ਰੇਲਵੇ ‘ਤੇ ਭਰੋਸਾ ਕਰਦੇ ਹਨ। ਭਾਰਤੀ ਰੇਲਵੇ ਨੇ AC 3-ਟੀਅਰ ਇਕੋਨਮੀ ਕਲਾਸ ਦੇ ਕਿਰਾਏ ਨੂੰ ਘਟਾ ਦਿੱਤਾ ਹੈ ਅਤੇ ਇਸ ਨਾਲ ਇਹ ਪੁਰਾਣੇ ਸਿਸਟਮ ‘ਤੇ ਆ ਗਿਆ ਹੈ। ਇਸ ਨਾਲ ਯਾਤਰੀਆਂ ਨੂੰ AC-3 ਟੀਅਰ ਦੇ ਮੁਕਾਬਲੇ AC 3-ਟੀਅਰ ਇਕੋਨਮੀ ਕਲਾਸ ਲਈ 60 ਤੋਂ 70 ਰੁਪਏ ਘੱਟ ਅਦਾ ਕਰਨੇ ਪੈਣਗੇ। ਇਹ ਫੈਸਲਾ ਨਵੰਬਰ 2022 ਵਿੱਚ AC 3-ਟੀਅਰ ਇਕੋਨਮੀ ਅਤੇ AC 3-ਟੀਅਰ ਦੇ ਰਲੇਵੇਂ ਤੋਂ ਬਾਅਦ ਆਇਆ ਹੈ ਅਤੇ ਦੋਵਾਂ ਦਾ ਕਲਾਸ ਦਾ ਕਿਰਾਇਆ ਇੱਕੋ ਜਿਹਾ ਹੋ ਗਿਆ ਹੈ।